«Кляшторнаўскія чытанні»


26. 04. 2013
Просмотров: 4 734
Мазго А.В., намеснік дырэктара сеткі бібліятэк Лепельскага раёна.

18 красавіка 2013 года ў Лепельскай цэнтральнай раённай бібліятэцы адбылася навукова-практычная канферэнцыя, прысвечаная 110-годдзю паэта-земляка Тодара Кляшторнага.

На канферэнцыю былі запрошаны родныя паэта, навукоўцы, якія займаюцца даследчай працай па вывучэнню жыццёвага і творчага шляху паэта, настаўнікі беларускай мовы і літаратуры школ горада і раёна, супрацоўнікі краязнаўчага музея, удзельнікі паэтычнага клуба “Выток”, бібліятэкары сеткі бібліятэк.

У чытальнай зале цэнтральнай бібліятэкі была аформлена выстава-прысвячэнне: “Кранаў душу і сэрца лірай”(Т.Кляшторнаму - 110 год).

Навукова-практычную канферэнцыю адкрыла дырэктар сеткі бібліятэк Тарасава Ірына Уладзіміраўна. З прывітальным словамда прысутных выступіла начальнік аддзела культуры Лепельскага райвыканкама Бароха Тамара Максімаўна.

Асаблівасці паэтычнай творчасці Тодара Кляшторнага” - так гучала тэма выступлення кандыдата філалагічных навук, дацэнта кафедры беларускай літаратуры БДУ Багдановіч Ірыны Эрнэстаўны.

Сваю зацікаўленасць да перакладаў твораў Тодара Кляшторнага выказаў кандыдат філалагічных навук, дацэнт кафедры тэорыі літаратуры філалагічнага факультэта БДУ – Кенька Міхась Паўлавіч.

Настаўніца беларускага языка і мовы Каменскай сярэдняй школы-сад Барадзіна Ганна Антонаўна разам з вучнямі даследвалі цікавы напрамак у творчасці Тодара Кляшторнага “Каляронімы ў творчасці Тодара Кляшторнага”(Каляронім – складаны назоўнік, першая аснова якога – колер, а другая – онім, што азначае імя. Атрымліваецца імя, назва колеру). Выступленне суправаджалася слайд-прэзентацыяй.

Педагог дадатковай адукацыі аддзела патрыятычнай і краязнаўчай працы ўстановы дашкольнай адукацыі “Віцебскі абласны палац дзяцей і моладзі”, Каўпак Ніна Рыгораўна, была асабіста знаёма са старэйшай дачкой паэта – Тадзіянай Тодараўнай. Сваё выступленне Ніна Рыгораўна прысвяціла паэтычнай творчасці Тадзіяны Тодараўны для дзяцей і творчасці Тодара Кляшторнага. Таксама, Ніна Рыгораўна пазнаёміла прысутных з работай аб’яднання па інтарэсам “Літаратурнае краязнаўства ўстановы дашкольнай адукацыі“Віцебскі абласны палац дзяцей і моладзі”. (Выступленне суправаджалася слайд-прэзентацыяй) і графічнай работай студэнта першага курса БДУ Буйко Цімура, на стварэнне якой вялікі ўплыў зрабіў верш Тодара Кляшторнага - “Раніца”.

Асабістае месца ў рабоце навукова-практычнай канферэнцыі займала выступленне малодшай дачкі паэта – Майі Тодараўны. З вялікім задавальненнем удзельнікі канферэнцыі слухалі “песню трагічнага часу бацькі-паэта”. Шчыры аповед Майі Тодараўны акунуў кожнага слухача ў той незабыўны час, які перажыў паэт.

У заключэнні навукова-практычнай канферэнцыі ўдзельнікі канферэнцыі малі магчымасць здзейсніць віртуальнае падарожжа па Каменскай бібліятэцы-музею Тодара Кляшторнага “Я тут душою заміраў і жыў”, падрыхтаванае аддзелам бібліятэчнага маркетынгу раённай бібліятэкі.

Па заканчэнню “Кляшторнаўскіх чытынняў” родные паэта і госці наведалі Каменскую бібліятэку-музей Тодара Кляшторнага, каб яшчэ раз дакрануцца да літаратурнай спадчыны паэта.

Зроблены першы крок у правядзенні “Кляшторнаўскіх чытанняў” на Лепельшчыне. Мы спадзяёмся, што гэта стане добрай традыцыяй для ўсіх прыхільнікаў творчасці паэта-земляка Тодара Кляшторнага.

“Не шкада рассыпаных гадзінаў:

Мы жылі, жывём і будзем жыць…”






НРАВИТСЯ
СУПЕР
ХА-ХА
УХ ТЫ!
СОЧУВСТВУЮ







Без комментариев




© 2007 - 2022 — Леонид Огурцов


Пользовательское соглашение

НА ГЛАВНУЮ